సెక్యూరిటీ గార్డుతో గొడవ. పోలీసుల ముందే బట్టలిప్పిన యువతి
హౌసింగ్ సొసైటీలో సెక్యూరిటీ గార్డుతో గొడవపెట్టుకున్న ఓ యువతి అర్ధరాత్రి వీరంగం సృష్టించింది. రాత్రి 3 గంటలకు 100కు ఫోన్ చేసి పోలీసులను రప్పించింది. తీరా పోలీసులు వచ్చి ఆమెను తప్పుబట్టి పోలీస్ స్టేషన్‌కు రమ్మన్నారు. దీంతో ఆ యువతికి ఎక్కడిలేని కోపం వచ్చింది. పోలీసులపై, సెక్యూరిటీ గార్డుపై అరుస్తూ లిఫ్టులో బట్టలు విప్పేసింది. ఇప్పుడు తీసుకెళ్లండంటూ లోదుస్తులతో నిలుచుంది. మహిళా కానిస్టేబుల్ లేకుండా రాత్రి వేళ తనను పోలీస్ స్టేషన్‌కు రమ్మనడమేంటని ఆమె ప్రశ్నించింది. ఈ ఘటన ముంబైలోని అంథేరీలో చోటుచేసుకుంది.
కంటెంట్ రైటర్, మోడల్‌గా పనిచేస్తోన్న యువతి.. లోఖండ్‌వాలా కాంప్లెక్స్‌లో పేయింగ్ గెస్ట్‌గా ఉంటోంది. అక్టోబర్ 25న రాత్రి ఒంటి గంట సమయంలో కాంప్లెక్స్‌లోని సెక్యూరిటీ గార్డుతో ఆమె గొడవకు దిగింది. ఆ తరవాత 3 గంటల సమయంలో 100కు ఫోన్ చేసి సెక్యూరిటీ గార్డ్ తనపై అసభ్యకరంగా ప్రవర్తించాడంటూ ఫిర్యాదు చేసింది. దీంతో సంఘటనా స్థలానికి చేరుకున్న పోలీసులు వివరాలు అడిగి తెలుసుకున్నారు. ఆ యువతి తాగి ఉందని, రాత్రివేళ సిగరెట్లు తెమ్మని తనను అడిగిందని, నిరాకరించడంతో గొడవకు దిగి ఇష్టమొచ్చినట్లు కొట్టిందని సెక్యూరిటీ గార్డ్ పోలీసులకు వివరించాడు. ఈ గొడవలో యువతిదే తప్పుగా భావించిన పోలీసులు తమతో స్టేషన్‌కు రావాల్సిందిగా ఆదేశించారు.
పోలీస్ స్టేషన్‌కు తనను రమ్మనడంతో ఆ యువతి ఆగ్రహం కట్టులు తెచ్చుకుంది. సెక్యూరిటీ గార్డు, పోలీసులపై ఇష్టమొచ్చినట్లు అరిసింది. లిఫ్టులో బట్టలు విప్పేసి, లోదుస్తులపై నిలబడి ఇప్పుడు తీసుకెళ్లండంటూ వీరంగం సృష్టించింది. లోదుస్తులపై ఉంటూనే మరో సెక్యూరిటీ గార్డుపై దాడి చేసింది. పోలీసులు తమ వెంట మహిళా కానిస్టేబుల్‌ను తీసుకురాకపోవడంతో ఏం చేయాలో వారికి తెలియలేదు. యువతి దస్తులు విప్పేసి వీరంగం వేస్తున్న సమయంలో అక్కడున్న ఒక వ్యక్తి వీడియో తీశారు. ఈ వీడియో కాస్త సోషల్ మీడియాలో వైరల్ కావడంతో విషయం బయటికి వచ్చింది. వాస్తవానికి ఈ ఘటనపై పోలీసులు కేసు నమోదు చేయలేదు. ఈ వీడియో కారణంగానే విషయం బయటికి తెలిసింది.
