బిగ్ బాస్ బ్యూటీ సిరి పర్సనల్ లైఫ్ ఇప్పుడు నెట్టింట్లో చర్చకు దారి తీస్తోంది. బిగ్ బాస్ ఇంట్లో ఉన్న సమయంలో షన్ను, సిరి చేసిన రచ్చ అంతా ఇంతా కాదు. హగ్గులు, ముద్దులతో ఈ ఇద్దరూ నానా హంగామా చేశారు. అప్పుడు వారు చేసిన చర్యలకు ఇప్పుడు ప్రతిచర్యలు వస్తున్నాయి. షన్ను యవ్వారాలకు విసిగిపోయిన దీప్తి దెబ్బకు బ్రేకప్ చెప్పేసింది. మొత్తానికి షన్ను దీప్తి బ్రేకప్‌కు సిరి కారణమంటూ నెట్టింట్లో ట్రోలింగ్ మొదలైంది. అయితే సిరి, శ్రీహాన్ పర్సనల్ లైఫ్ కూడా ఇప్పుడు అలానే మారేట్టు కనిపిస్తోంది. బిగ్ బాస్ ఇంటి నుంచి బయటకు వచ్చిన తరువాత ఇంత వరకు సిరి, శ్రీహాన్ కలిసినట్టు ఎక్కడా కనిపించలేదు. ఇక శ్రీహాన్ సైతం బ్రేకప్ చెప్పేందుకు రెడీగా ఉన్నట్టు రూమర్లు వినిపించాయి. మొత్తానికి ఈ రెండు ప్రేమ జంటల మధ్య మాత్రం బిగ్ బాస్ చిచ్చు పెట్టినట్టు అయింది.

జనవరి 2న సిరి బర్త్ డే ఈ సందర్భంగా శ్రీహాన్ తన ఇన్ స్టా స్టోరీలో ఓ పోస్ట్ వేశాడు. సిరికి స్పెషల్ విషెస్ అందించాడు. హ్యాపీ బర్త్ డే సిరి నీ జీవితంలో ఈ ఏడాది మరింత పాజిటివ్ రావాలి నువ్వు అనుకున్న లక్ష్యాలను చేరుకోవాలి గాడ్ బ్లెస్ యూ అంటూ శ్రీహాన్ పోస్ట్ చేశాడు. కానీ ఇంత వరకు కూడా సిరి స్పందించలేదు. సిరి ఇన్ స్టా స్టోరీలో గానీ, ఇన్ స్టాగ్రాం పోస్టుల్లో గాని ఎక్కడా కూడా శ్రీహాన్ ప్రస్తావన రాలేదు. అంటే మొత్తానికి ఈ జోడికి, వీరి బంధానికి కూడా ఎండ్ కార్డ్ పడనుందా.? అనే అనుమానాలు మరింత బలపడుతున్నాయి.