కేంద్ర ప్రభుత్వం ఉద్యోగులకు తీపికబురు అందించేందుకు కేంద్ర ప్రభుత్వం రెడీ అవుతోంది. ఎక్కువ గంటలు పని చేస్తే ఎక్కువ వేతనం అందేలా నిర్ణయం తీసుకోబోతోంది. కొత్త కార్మిక చట్టాలకు అనుగుణంగా కొత్త రూల్స్ తీసుకువచ్చేందుకు మోదీ సర్కార్ రెడీ అవుతోంది. మీడియా నివేదికల ప్రకారం: మోదీ సర్కార్ పరిమితి పని వేళల అంశాన్ని పరిగణలోకి తీసుకోనుంది. అంటే ఎక్కువ గంటలు పని చేస్తే అప్పుడు ఎక్కువ వేతనం లభించనుంది. సాధారణంగా అయితే ఉద్యోగులకు 8గంటల వరకు పని చేయొచ్చు. దీని ప్రాతిపదికనే వేతనం వస్తుంది.

కేంద్ర ప్రభుత్వం ఇప్పటికే కొత్త వేజ్ కోడ్‌కు ఆమోదం తెలిపింది. ఇందులో పని గంటలు 8 నుంచి 12 గంటల వరకు ఉంది. దీంతో చాలా గందరగోళం తలెత్తింది. ఉద్యోగులు 12 గంటలు పని చేయాల్సి ఉంటుందని చాలా మంది భావించారు. కానీ ఇది కరెక్ట్ కాదు. 8గంటలు దాటి పని చేస్తే కచ్చితంగా అది ఓవర్‌టైమ్ కిందకు వస్తుంది. దీనికి డబ్బులు ఇస్తారు. కొత్త చట్టం ప్రకారం, 8గంటలు దాటి 15 నిమిషాలు దాటితే దాన్ని ఓవర్ టైమ్‌గా పరిగణలోకి తీసుకోవాల్సి ఉంటుంది. దీనికి అనుగుణంగా అదనపు వేతనం చెల్లించాలి. కొత్త వేజ్ కోడ్ ఏప్రిల్ 1 నుంచి అమలులోకి రానుంది.