{"source":"other","uid":"2B42303B-2021-4A00-9841-243360D6BB92_1641440041124","origin":"gallery","is_remix":false,"used_premium_tools":false,"used_sources":"{"sources":[],"version":1}","premium_sources":[],"fte_sources":[]}

భద్రాద్రి కొత్తగూడెం జిల్లా పాల్వంచలో నాగ రామకృష్ణ అనే వ్యక్తి భార్య, ఇద్దరు ఆడపిల్లలతో సహా ఆత్మహత్యకు పాల్పడిన ఘటన తెలంగాణలో ప్రకంపనలు రేపుతోంది. ఆత్మహత్యకు ముందు రామకృష్ణ రికార్డు చేసిన సెల్ఫీ వీడియో తాజాగా బయటకు రావడంతో ఈ వ్యవహారం పొలిటికల్ టర్న్ తీసుకుంది. సాయం చేయాలంటే తన భార్యను గదికి పంపాలని రాఘవ వేధింపులకు గురిచేశావంటూ చనిపోయే ముందు తీసుకున్న సెల్ఫీ వీడియోలో రామకృష్ణ చెప్పడంతో రాజకీయ పార్టీలు, ప్రజా సంఘాలు తీవ్రంగా మండిపడుతున్నారు. ఈ వ్యవహారంలో వనమా రాఘవకు ఉచ్చు మరింత బిగుసుకుంటుండటంతో కొడుకు నిర్వాకంపై కొత్తగూడెం ఎమ్మెల్యే వనమా వెంకటేశ్వరరావు తాజాగా స్పందించారు. ఈ మేరకు గురువారం ఆయన బహిరంగ లేఖ విడుదల చేశారు. రామకృష్ణ కుటుంబం ఆత్మహత్య దిగ్భ్రాంతికి గురిచేసిందని వనమా వెంకటేశ్వరరావు పేర్కొన్నారు. ఈ ఘటనలో తన కుమారుడిపై ఆరోపణలు రావడం కలిచివేసిందని, పోలీసులు ఎప్పుడు పిలిచినా తన కొడుకుని అప్పగిస్తానన్నారు.

రాఘవ విషయంలో విచారణ నిష్పక్షపాంతగా జరగాలని కోరుకుంటున్నట్లు తెలిపారు. ఇకపై తన కుమారుడిని నియోజకవర్గానికి, పార్టీ కార్యకలాపాలకు దూరంగా ఉంచుతానని వెంకటేశ్వరరావు లేఖలో పేర్కొన్నారు. అయితే రామకృష్ణ కుటుంబం ఆత్మహత్య ఘటనలో వనమా రాఘవ పాత్ర ఉందని ఆరోపణలు రాగా తనకెలాంటి సంబంధం లేదని ఆయన వివరణ ఇచ్చారు. అయితే రామకృష్ణ సెల్ఫీ వీడియో బయటకు రావడంతో రాఘవ తీరుపై అన్ని పక్షాలు మండిపడుతున్నాయి. సాయం చేయాలని కోరితే భార్యను పంపాలని అడిగిన రాఘవను కఠినంగా శిక్షించాలంటూ విపక్ష పార్టీల నేతలు, మహిళా సంఘాలు డిమాండ్ చేస్తున్నారు. కాంగ్రెస్ పార్టీ నుంచి గెలిచిన వనమా వెంకటేశ్వర రావు అధికార పార్టీ తీర్థం పుచ్చుకున్నప్పటి నుంచి రాఘవేందర్ అరాచకాలకు హద్దులేకుండా పోయిందన్న ఆరోపణలు వినిపిస్తున్నాయి. గతంలో పాల్వంచ ఎస్ఐ, ఆ తర్వాత మలిపెద్ది వెంకటేశ్వర్లు, ఇప్పుడు రామకృష్ణ కుటుంబం ఎపిసోడ్‌లో అన్ని వేళ్లు వనమా రాఘవేందర్‌ వైపే చూపిస్తున్నాయి.