వావి వరుసలు మరిచి పిన్నితో అక్రమ సంబంధం పెట్టుకున్న ఓ యువకుడు చివరికి ఆమెను దారుణంగా హత్య చేసిన ఘటన తమిళనాడులో జరిగింది. కృష్ణగిరి జిల్లా కావేరి పట్టణం సమీపంలోని పొత్తపురమ్‌ మణిమాడికొట్టాయి ప్రాంతానికి చెందిన మలర్‌(38) అనే మహిళ భర్త కొంతకాలం క్రితం చనిపోయాడు. దీంతో అప్పడాలు తయారు చేసి విక్రయిస్తూ ఆమె జీవనోపాధి పొందుతోంది. రెండ్రోజుల క్రితం రాత్రివేళ దుకాణానికి తాళం వేసి ఇంటికి బయలుదేరిన మలర్ కనిపించకుండా పోయింది. దీంతో బంధువుల సమీప ప్రాంతాల్లో వెతికినా ఆచూకీ లభించలేదు. శనివారం పొత్తాపురం సమీపంలోని ఓ కాలువలో ఆమె శవమై కనిపించింది. దీంతో కావేరీ పట్టణ పోలీసులు సంఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు.

దీనిపై కేసు నమోదు చేసి దర్యాప్తు చేపట్టిన పోలీసులకు షాకింగ్ విషయం తెలిసింది. ఒంటరిగా జీవిస్తున్న మలర్‌కు ఆమె బంధువైన గాంధీ(28) అనే యువకుడితో అక్రమ సంబంధం ఉన్నట్లు వెల్లడైంది. దీంతో పోలీసులు గాంధీని అదుపులోకి తీసుకుని విచారింగా తానే హత్య చేసినట్లు అంగీకరించాడు. మలర్‌ నాకు పిన్ని అవుతుంది. ఒంటరిగా ఉంటున్న ఆమె ఇంటికి తరుచూ వెళ్లే క్రమంలో చనువు ఏర్పడి అక్రమ సంబంధానికి దారితీసింది. అప్పుడప్పుడు ఆమె ఇంటికి వెళ్లి శారీరక వాంఛలు తీర్చుకునేవాడిని. కొద్దిరోజుల క్రితం మలర్ మరొక వ్యక్తితో చనువుగా ఉంటూ నన్ను పట్టించుకోవడం మానేసింది. దీంతో మా ఇద్దరి మధ్య గొడవలు జరుగుతున్నాయి. దీంతో ఆమె రెండ్రోజుల క్రితం షాపు నుంచి ఇంటికి వెళ్తున్న సమయంలో అడ్డగించాను. ఆవేశంలో మద్యం బాటిల్‌తో తలపై కొట్టి చంపేసి అనంతరం కాలువలోకి విసిరేసి వెళ్లిపోయాను’ అని గాంధీ పోలీసులకు ఇచ్చిన వాంగ్మూలంలో చెప్పాడు. అతడిపై హత్యకేసు నమోదు చేసిన పోలీసులు అరెస్ట్ చేసి రిమాండ్‌కు తరలించారు.