ఉత్తర్‌ప్రదేశ్‌లో ఓ యువకుడు జీన్స్‌ ప్యాంట్‌లోకి నాగుపాము దూరడంతో ఏడు గంటల పాటు కదలకుండా నిలుచున్నాడు.ఉత్తరప్రదేశ్ లోని మీర్జాపూర్‌ పరిధిలోని ఓ గ్రామంలో విద్యుత్‌ స్తంభాలు, తీగల ఏర్పాటు పనులు చేస్తున్నారు. పనులు నిర్వహించేదుకు వచ్చిన కార్మికులు రాత్రి నిద్రిస్తున్న సమయంలో వచ్చిన ఓ తాచుపాము ఓ కార్మికుడి జీన్స్‌ ప్యాంట్‌లోకి దూరింది. మెలుకువ వచ్చి భయాందోళకు గురైన సదరు యువకుడు వెంటనే లేచి పక్కనే ఉన్న స్తంభాన్ని పట్టుకొని రాత్రంతా కదలకుండా నిలుచున్నాడు. తెల్లవారుజామున వచ్చిన పాములు పట్టేవారు అతడి ప్యాంటులోంచి చాకచక్యంగా సర్పాన్ని బయటకు తీయడంతో అక్కడివారంతా ఊపిరిపీల్చుకున్నారు. ముందు జాగ్రత్తగా అంబులెన్సును అందుబాటులో ఉంచినట్లు స్థానికులు తెలిపారు. కార్మికుడు ప్రస్తుతం ఆరోగ్యంగా ఉన్నట్లు పేర్కొన్నారు.