బిగ్ బాస్ సారూ, నాకోసం బిగ్ బాస్ హౌస్‌కి ఎవరు వస్తున్నారో ముందే చెప్పండి ప్రిపేర్డ్‌గా ఉంటానని కెమెరాల ముందుకు వెళ్లి మొరపెట్టుకుంటున్నాడు షణ్ముఖ్ జస్వంత్. అయితే షణ్ముఖ్ కోసం వచ్చిందెవరు.? బిగ్ బాస్ హౌస్‌లో షణ్ముఖ్ జస్వంత్ తన ప్రేయసి దీప్తి సునయన కోసం తపించిపోతున్నాడు, దీప్తి దీప్తి అని కలవరిస్తూ గేమ్‌పై కూడా సరిగా ఫోకస్ పెట్టలేకపోతున్నాడు ఆమె గుర్తొచ్చు ఏడుస్తూ ఉంటే పాపం ఆ సిరి వెళ్లి తనదైన శైలిలో ఓదార్చుతూ ఉంది. హోస్ట్ నాగార్జున కూడా దీప్తి బాగా గుర్తొస్తుందా.? పోనీ ఇంటికి వెళ్లిపోతావా.? అని డోర్లు కూడా తెరిచిపెట్టారు ఓ సందర్భంలో. అయితే నేటి ఎపిసోడ్‌లో బిగ్ బాస్ కంటెస్టెంట్స్ ఇంటి సభ్యులు హౌస్‌లోకి వెళ్తున్నారు. తాజా ప్రోమోలో కాజల్ భర్తతో పాటు ఆమె కూతురు, శ్రీరామ చంద్ర సిస్టర్ కూడా హౌస్‌లో కనిపించి ఎమోషనల్ డ్రామాను జోడించాడు.

అయితే తన కోసం ఎవర్ని పంపిస్తున్నారో బిగ్ బాస్ అని తల బాదుకుంటూ కనిపించాడు షణ్ముఖ్. మనోడి ఆరాటం చూస్తుంటే దీప్తిని పంపిస్తారనే ఆశలోనే ఉన్నట్టుగా కనిపిస్తున్నాడు. అయితే తాజా సమాచారం ప్రకారం షణ్ముఖ్ ఆశ ఆవిరైనట్టే కనిపిస్తుంది. షణ్ముఖ్‌కి షాక్ ఇస్తూ అతని ప్రేయసి దీప్తి సునయనాను కాకుండా, షణ్ముఖ్ పేరెంట్స్‌ని బిగ్ బాస్ హౌస్‌లోకి పంపినట్టు తెలుస్తోంది. అయితే ట్విస్ట్ ఏంటి అంటే.? దీప్తి షణ్ముఖ్‌ కోసం ఇప్పుడు వెళ్లడం లేదు కానీ త్వరలో స్పెషల్ ఎంట్రీ ఇవ్వబోతుందట. షణ్ముఖ్ ఎలాగూ ఫైనల్‌కి వెళ్లడం ఖాయం కాబట్టి, ఆ ఫినాలే ఎపిసోడ్‌‌కి దీప్తి వెళ్లబోతున్నట్టు సమాచారం. అప్పటి వరకూ షణ్ముఖ్ విరహవేదన అనుభవించాల్సిందే మరి.