తండ్రి వయస్సున్న ఓ వ్యక్తి ఏడేళ్ల చిన్నారిపై నెలరోజులుగా లైంగిక దాడికి పాల్పడుతున్నాడు. జంగమ్మెట్‌కు చెందిన మతీన్‌ అలీఖాన్‌(46) డ్రైవర్‌. ఇతడికి ఐదేళ్ల క్రితం వివాహం కాగా విభేదాలు రావడంతో ఏడాదికే భార్య అతడిని వదిలేసి వెళ్లిపోయింది. అప్పటి నుంచి ఒంటరిగా ఉంటున్న అలీఖాన్‌ కన్ను ఓ బాలికపై పడింది.

ఇంట్లో ఎవరూ లేని సమయంలో ఆమెను తీసుకెళ్లి లైంగికదాడికి పాల్పడుతున్నాడు. శనివారం కూడా బాలికపై లైంగికంగా దాడి చేస్తుండగా కుటుంబసభ్యులు గమనించడంతో పారిపోయాడు. నెల రోజుల నుంచి ఇలా చేస్తున్నాడని చిన్నారి చెప్పగా పోలీసులకు ఫిర్యాదు చేయటానికి వెనుకంజ వేశారు. స్థానికుల ద్వారా విషయం తెలుసుకున్న ఫలక్‌నామ ఏసీపీ డాక్టర్‌ మహ్మద్‌ అబ్దుల్‌ రషీద్‌, ఛత్రినాక ఇన్‌స్పెక్టర్‌ ఆర్‌.విద్యాసాగర్‌రెడ్డి, ఎస్‌ఐ హరిభూషణ్‌ బాధితురాలి కుటుంబ సభ్యులకు భరోసా కల్పించి ఫిర్యాదు స్వీకరించారు. కేసు దర్యాప్తు చేస్తున్నారు.