{"uid":"EA9684FB-092A-4DFE-B413-F44AFB16F789_1625574622932","source":"other","origin":"gallery"}

కృష్ణా జిల్లా కంచికచర్లలో ఓ కామాంధుడు రెచ్చిపోయాడు. అభం శుభం తెలియని 8వ తరగతి చదువుతున్న 14 సంవత్సరాల మైనర్ బాలికపై లైంగిక దాడికి పాల్పడ్డాడు. కంచికచర్ల పట్టణంలోని ఇందిరా కాలనీలో ఇల్ల శివ అనే వ్యక్తి ప్రేమిస్తున్నానంటూ మైనర్ బాలిక వెంటపడ్డాడు. తల్లిదండ్రులు కూడా లేని ఈ బాలికకు మాయమాటలు చెప్పి లొంగదీసుకుని గర్భవతిని చేశాడు. పోలీసులు తెలిపిన వివరాల మేరకు: బాలిక తల్లిదండ్రులు చిన్న వయసులోనే చనిపోవడంతో ప్రస్తుతం కంచికచర్లలోని తన అమ్మమ్మ వద్దనే ఉంటోంది. దీంతో ఈ బాలికకు ఎవరూ లేరన్న ధైర్యంతో పక్కా ప్రణాళిక వేసిన ఇల్లా శివ ప్రేమ పేరుతో బాలికను వశపరుకున్నాడు. పలుమార్లు బాలికతో శారీరకంగా కలిశాడు. ఈ నేపథ్యంలోనే బాలికకు ఒక్కసారిగా కడుపునొప్పి రావడంతో కంగారు పడ్డ బంధువులు స్థానిక ఆస్పత్రికి తరలించారు.

బాలికకు వైద్య పరీక్షలు నిర్వహించిన డాక్టర్లు ఆమె గర్భం దాల్చినట్లుగా వెల్లడించారు. దీంతో అక్కడున్న వారంతా షాక్‌కు గురయ్యారు. బంధువులు ఏం జరిగిందని బాలికను ఆరా తీయగా జరిగిన విషయం మొత్తం చెప్పేసింది. వెంటనే శివపై బాలిక బంధువులు పోలీసులకు ఫిర్యాదు చేశారు. దీంతో బాలిక బంధువుల ఫిర్యాదు మేరకు కంచికచర్ల పోలీస్ స్టేషన్‌లో కేసు నమోదు చేశారు. ఈ నేపథ్యంలోనే మంగళవారం రాత్రి నిందితుడిని అరెస్టు చేసి రిమాండ్‌కు పంపిస్తున్నట్లుగా డీఎస్పీ నాగేశ్వర్ రెడ్డి వెల్లడించారు.